# 2014

مش بس لأنى اتعودت اكتب عن كل سنة وايه اللى انجزته وايه اللى اتحقق وايه اللى لسه ماحققتوش..

كمان لانك سنة مميزة جدا فى حياتى.. انتى سنة ربنا كرمنى فيها من وسع وكان فضله عليا فيها كبير..

انتى سنة مش بس قدرت احقق فيها حاجات كنت ناوياها لا وكمان اتحققلى فيها  امنيات ماكنتش بايدى اد ماهى رزق من ربنا..

انتى سنة اتكتبلى فيها الاقى راحة القلب وشريك العمر.. سنة اتكتبلى فيها افرح بعد صبر والاقى اللى كنت بدور عليه

سنة اتكتبلى فيها احب وربنا يكملهالى على خير وارتبط باللى قلبى اختاره واللى نفسى ربنا يتتمهالى على خير واكمل معاه كل عمرى..

انتى سنة نزلى فيها اول كتاب الكترونى ليا (مع نفسى) واللى فرحتنى كل كلمة اتكتب عنه فى الفيس او على الجود ريدز او ناس اتصلوا بيا قالولى رأيهم فيه ..

انتى سنة رحت فيكى معرض الكتاب لاول مرة فى حياتى وشفت ناس  لاول مرة فى حياتى ..كانت تجربة اتمنى اكررها (بنفس تفاصيلها)

انتى سنة نزلى فيها تانى كتاب جماعى (معطف من قيود)  وهو الاحب لقلبى واللى كان ليا دور مع صديقتى دعاء العطار فى تجميعه وخروجه للنور طول 2013

انتى سنة نزلى فيها تالت كتاب جماعى واللى بعتز بمقالتى فيه جدا (سكر بنات)

انتى سنة قرأت فيكى اكتر من 100 كتاب  90% منهم كتب مهمة واكتر من رائعة

انتى سنة ظهرلى فيها كتير من الناس على حقيقتهم وعرفت فيها مين اللى بيعزنى ومين اللى له 100 وش

انتى سنة كتبت فيكى اكتر من 100 تدوينة ودى اكتر سنة اكتب فيها من يوم ما اتعملت المدونة وكلها كتابات غاليه على قلبى جدا  وكل كلمة فيها طلعت باحساسها الصادق

انتى سنة كسبت فيكى تحدى ال 104 تدوينة  :)

انتى سنة اتعلمت فيكى احلم ببكرة .. احلم بمستقبل .. احلم احلام ماكنش عندى الجرأه ولا القدرة انى احلمها.. كنت بخاف احلمها

انتى سنة غيرت فى حياة ناس حوليا .. غيرت مسار حياتهم كله وعلمت فيهم..

انتى سنة فرحت فيكى من قلبى..

انتى سنة كان ليا فيكى احلى عيد ميلاد فى حياتى كلها..

انتى سنة اتصورت فيها كمية صور ماتصورتهاش فى عمرى كله :)

انتى سنة هتفضل معلمة فى عمرى كله وهتفرق معايا بين كل اللى عدا وكل اللى جاى..

ومن منطلق { اما بنعمة ربك فحدث }  فانتى  سنة بكل اللى فات من العمر..

وداعا 2014 .. لن انساكى .. ولو حصل اى حاجة تزعل فيكى فالحلو فيكى اكتر بكتييييير ..

الحمد لله كما ينبغى لجلال وجهه وعظيم سلطانه

الحمد لله الذى سخر لنا هذا..

الحمد لله كثييرا..

الحمد لله عدد خلقه وزنة عرشه ومداد كلماته..

الحمد لله :)

 

 

# اخضر

عندما أعطتها اشارة المرور الضوء الاخضر اكملت قيادة سيارتها وهى شاردة..

انها هى من اعطته الضوء الاخضر.. هى التى ادخلته حياتها رغم كل ماتعرفه وسمعته عن مغامراته الكثيرة.. رغم كل تحذيرات الجميع لها..

لا تعلم أكان هذا حب فى اول الامر ام تحدى جديد من التحديات التى تعشق الخوض بها.. ام نظرة مختلفة جعلتها ترى به شيئا مختلفا!.. شيئا كان يستحق فرصة..

لكنها الان علمت ان نزواته هى طباع لايمكن ان تغيرها.. تعلم كم يحبها لكنه نوع من الرجال لايستطيع ان يربط بين الحب والاخلاص..

اوقفت سيارتها واغمضت عينها قليلا ثم اتخذت  قرارها.. ولن تندم

الرسال 8 (رسايل الى مجهول )

السابعة

(8)

بص لما تيجى وحد مرشحنى ليك بقى وكده على الاقل ماتجيش بفكرة مسبقة عنى.. خير كانت ولا شر

 يعنى لا تقولى انا سامع انك طيبة ولا تقولى غريبة  اومال بيقولوا عليكى مغرورة ليه.. استنى لما تعرفنى وكون انت انطباعاتك

عنها..36

أيوة أنا فعلا مابزعلش منك ..

مش معنى ده انى لو حصل موقف يضايق مابتضايقش.. انا بشر أكيد

بس الاكيد كمان انى بسامحك مهما حصل وفى ثونانى وبكلمة صغيرة..

الاكيد انى هفضل اسامحك طول عمرى مهما حصل ..

ياسيدى.. لقد منحك قلبى صكوك مسامحة مدى الحياة فليهنأ قلبك وليستريح..

الرسالة 7 (رسايل الى مجهول)

السادسة

(7)

عارف نفسى أوى أوى نبقى أصحاب..

 أصحاب جدا مش بس إتنين مخطوبين أو متجوزين ..

 لأ.. أصحاب بيسمعوا بعض  بيفهموا بعض

# يارب

يارب انت علام الغيوب.. وانت مدبر الشؤون.. وانت كاشف الهموم.. وانت فارج الكربات..وانت مجيب الدعوات.. فيااااااااااااارب دبرلى شأنى كله ولا تحوجنا لاحد من خلقك  ولا تكلنى لنفسى طرفة عين

# أحمر

سَألته : حبيبى لو أردت ان تختصرنى  فى لون فماذا سيكون؟

نظر لها فى حب وقال: ستكونى اللون الاحمر..

سألته فى دهشة : ولما؟!

قال : إنك واضحة مثل اللون الاحمر.. زاهية مثله.. لا يمكن ان تُخطئك عين..

انتى تفرضين وجودك فى اى مكان بحضورك..

انتى دافئة مثل اللون الاحمر..

انتى أنيقة مثل اللون الاحمر..

حتى انوثتك فى قوة اللون الاحمر..

لم تستطع أن تنظر فى عينيه من خجلها.. وابتسمت..

وابتسم هو عندما رأى وجنتيها تكسوهما حمرة الخجل المحببة لقلبه.