اليوم 6 #100يوم_سعادة
النهاردة ماحصلش حاجة معينة تسبب السعادة ..فكرت اكتب ايه ،مش البوست ده اصلا معمول علشان نبطل سوداويية ونبقى ايجابيين طيب ما ابص للنعم اللى الواحد فيها ونحمد ربنا عليها وبالتالى كل ما اتزنق هحمد ربنا على نعمة ما
النهاردة هحمده على نعمة القدرة على التعبير عن اى احساس بالكتابة .. الحكاية خففت عنى كتير وخرجت افكار وطاقة سلبية كتير من جوايا.. الحمد لله
اليوم 5 #100يوم_سعادة
النهاردة اتفرجت على الجزء الاول والتانى منthe lord of the rings حلو المود اللى سببوه انا كنت قاعدة مشدودة جدا
النهاردة عمر تم3 شهور .. كل شهر وانت طيب ياقلبى ❤❤
النهاردة عملت كيكة ودى اول كيكة اعملها من فترة يمكن من قبل ما اولد بشهرين ههههه فمشروع تم انجازه وطلعت حلوة 😄
اليوم4 #100يوم_سعادة
النهاردة فرح حنون فرحتلك جدا والله وكان نفسى اشوفك بس انتى عارفة بقى ماقدرتش اسيب عمر وحده وانتى منزلانا من المغرب سيادتك😐 بس كان نصاية ظريفة شفت فيها البنات كلهم 😄وحشتنى لمتنا باعيال ووحشنى قاعدة الخميس بس من غير شغل😉
اليوم النهاردة كان صعب معظمه طاقة سلبية .. بس الحلو فيه انى غمضت عينى وحاولت اطلع منه حاجات حلوة .. وليكن عشوة حلوة دخلت المطبخ اجهزها بغرض انى اخرج الطاقة السلبية وطلعت عشوة جميلة .. تسلم ايدى 😄
#100يوم_سعادة 2
النهاردة قريت قصة فى كتاب العصافير الخرساء لعبد الوهاب مطاول سببتلى حالة من السلام النفسى
مشاركة منى فى مبادرة #100يوم_سعادة
النهاردة كنت عاملة بروجرام لنفسى وكنت خايفة عمر مايخلنيش اعمل منه حاجة .. بس نجحت الحمد لله ونفذته كله😀
#100يوم_سعادة
#دعوة_للتفاؤل
من منغصات الحياة ان تحاول ترضى كل الناس اللى بتحبهم فى حياتك.. مشكلة رهيبة وسبب فظيع لقلة الراحة .. رغبات كل واحد فيهم بتتعارض مع بعض وبتتعارض مع راحتك انت .. طب تعمل اى ماتسألش فى زعلهم وتعمل اللى يريحك ؟! زعلهم تاعبك.. تحاول ترضيهم ؟! هتتعب من مجرد التفكير فى الطريقة .. وتلاقى السؤال اللى بيفرض نفسه طب ليه هم مش سألين عن راحتك كدة .. ليه مابيحسوش انت اد ايه شايل همهم ؟! طب بيحبوك ازاى بقى ؟! .. صدااااع
