رسالة 38 (رسايل الى مجهول)

السبعة وتلاتين

(38)

بحب تركز فى التفاصيل..

 تفاجئنى انك عارف انا عندى كام ضحكة..

 بتريق ازاى.. بزعل ازاى.. ايه بيستفزنى ..

انا بعشق التفاصيل وهحبك اوى لو ركزت.

castaway on the moon

انها تضيق فى وشك فتبعد لحد ماتلاقى نفسك..

تلاقى أمل تقدر تعيش ليه تانى..

انها تضيق فى وشك من كتر الجرى والعقبات والبيبان المقفولة , فتبعد..

تبعد وتعرف ان مش المهم انك تلحق البيبان قبل ماتتقفل..

المهم انك تلحق نفسك وماتنساش ان البيبان حتى لو اتقفلت ممكن تلاقيلها مفتاح مناسب ونحاول تانى..

انها تضيق وتفتكرها خلصت معاك على كده فتلاقى حد بيعافر علشان يحقق امله بنفسه فيصحى الأمل تلقائى جواك وتعافر انت كمان تانى ..

فيلم حلو :)

عنها..50

_المفروض ده احلى يوم فى حياتنا عاوز افهم ايه لازمة الدموع دلوقتى؟!

_ مش هلخص الحكاية واقولك دى دموع الفرح..

لحظة ماكنت بتردد الكلام ورا المأذون حسيت ان كل الحدوتة بتاعتنا بتمر قدام عنيا كأنها شريط ,صور لينا عمالة تنور فى دماغى زى الومضات او النجوم اللى بتظهر بسرعة وتختفى بسرعة!

افتكرت واحنا لسة بنبتدى وخايفين من كل اللى حوالينا ليهدوا حلمنا..

افتكرت لحظة العناد اللى وصلنا فيها لقرار ان اى حاجز هيقف فى سكتنا هنزيحه..

 

افتكرت العهد اللى اخدناه بان فرحتنا واحاسيسنا واحلامنا اللى حلمناها وتفاصيلنا مش هنحققها  الا مع بعض ولا هنشارك فيها حد..

افتكرت ساعة مامسكت ايدى وقولتلى مش هسيبها ماتخفيش..

افتكرت كل الدعوات اللى دعيت ربنا بيها واللى ملخصها انت..

عرفت اد ايه رحمة ربنا كبيرة ونعمه عليا مالهاش حصر..

افتكرت كل ده وانت ايدك فى ايد وكيلى وبتردد كلام المأذون فدمعت..

_ الله طب انت بتدمع ليه دلوقتى؟!

_ دى دموع الفرح :)

 

رسالة 37 (رسايل الى مجهول)

ستة وتلاتين

(37)

احضنى كتير ..

 ضمنى اوى كل ما تفتكر او تحس انى محتاجة لده 

او تبقى انت محتاجه

على الهامش 43

أن تفشل فى تحقيق حلم ما أهون من أن يظل حلمك معلق على الحائط..

 

رسالة 36(رسايل الى مجهول)

خمسة وتلاتين

(36)

هرج معايا تهريج الاصحاب..حتى واحنا فى بيتنا..

 ده هيقربنا من بعض جدا..

 العب معايا جيمز انا ممكن لو بتحب الكورة اتفرج معاك واصرخ وقت ما يجى جون معاك..واشتم لما نضيع جون او الحكم يجى علينا..

 انا مجنونة واعملها صدقنى

عنها 49

قلت لها يجب أن تخرجى ما بداخلك, فابتسامة السخرية ونظرة البؤس واليأس التى تحملها عيناكى ليست كافية أبدا للتنفيس عن كبتك..

ما رأيك لو تكتبين ما بداخلك على الورق, هى طريقة من طرق الفضفضة تحفظ لكى أسرار بيتك ومشاكلك معه ؟

قالت..

ورق؟!.. وما العمل ان وقعت ورقة ما بيد زوجى,كيف أفسرله رأيى به وبطريقة تفكيره؟

كيف سوف أشرح له إحتياجاتى العاطفيه منه على سبيل المثال؟

كيف سيتقبل إحباطاتى وصدماتى به؟

كيف سوف ننظر فى أعين بعضنا البعض بعدها؟!

صدقينى لا أمل من هذا.. من الافضل ان يظل كل منا بعالمه ويتعايش مع الاخر كما تقتضى العادات هكذا إرتضينا حياتنا أعتقد اننا سوف نكملها على نفس الوتيرة إلى ما شاء الله.

قلت لها :هذه ليست حياة!

ابتسمت لى نفس الابتسامة المليئة بالمفردات!